ما بدس انا خوفي منك ومن فراقك
اصلي من يوم ما عرفتك كنت خايف من فراقك
حتي قبل ما القاك واضمك
كنت شايل الخوف جوايا انو يحصل في يوم فراقك
كنت حاسس اني بعدك
ما بطيق الكون واحتك
الا صابر بس بشوفتك
مرة في الطرقات اشوفك
مرة عندك جنب بيتك
كنت متحمل بعادك
وقلبي طابلك جوة حاضنك ومحتويك
وكلما ينبض بحسك
كان هو عارف وين يجيكي ويلتقيك
وكنت حاسس بوحدة قاتلة لحظة لو مرت بدونك
وكنت خايف ما اشوفك
كيف تمر لحظات بدونك
والعيون مليانة بيكي وبي ملامحك
وما بيكفيني طيفك
وسر خدودك وبسمة وجيهك
كان بعذبني وحاتك
ديمة بيزيد شوقي إتجاهك
الا صابر كلما اتذكر حنانك
كلما اسرح في خيالك
قلبي نابض بس عشانك
وانت جواهو ثابت مكانك
يا فراشة كفاك وحاتك
كلي ميت في انتظارك
كل يوم واصل مكانك
وعيني راصدة جنب بابك
في عشم لو بس اشوفك
كنت خايف من فراقك
وكان مفاجئ لي فراقك
البيشعل نيران المواجع
في كياني وفي فؤادي
وبرضو بتحمل عشانك
مهما كان يصعب فراقك
ما بمل انا في انتظارك
املي انك تغير قرارك
تاني ترجع لي مكانك
الفي القلب تلقاهو ثابت عشانك
ما بتغيير وحاتك
مهما طولتي في فراقك
لسة مستنيك وحاتك
بكرة ترجع تاني وافرح بي ملامحك
بكرة تاني ارجع واشوفك
وتنكسر لحظات فراقك
09.02.2025
ليست هناك تعليقات:
إرسال تعليق