ما بدس انا خوفي منك
وكيف ما اخاف انا من فراقك
اصلي من يوم ما عرفتك
كنت خايف من فراقك
حتي قبل ما القاك واضمك
كنت شايل الخوف جوايا انو يحصل في يوم فراقك
كنت حاسس اني بعدك
ما بطيق الكون واحتك
الا صابر بس بي شوفتك
مرة في الطرقات اشوفك
مرة عندك جنب بيتك
كنت متحمل بعادك
وقلبي طابلك جوة حاضنك ومحتويك
وكلما ينبض بحسك
كان هو عارف وين يجيكي ويلتقيك
وكنت حاسس بوحدة قاتلة لحظة لو مرت بدونك
وكنت خايف ما اشوفك
كيف تمر لحظات بدونك
كيف اعيش اوقاتي دونك
ولحظة لو مرت بدونك
ما بعيد يكتلني شوقك
والعيون مليانة بيكي وبي ملامحك
وبرضو ما بيكفيني طيفك
والنظر في سر خدودك
وبسمة ظاهرة في وجيهك
كان بعذبني وحاتك
ديمة زايد شوقي إتجاهك
الا صابر كلما اتذكر حنانك
كلما اسرح في خيالك
قلبي ينبض بس عشانك
وانت جواهو ثابت مكانك
يا فراشة كفاك وحاتك
كلي ميت في انتظارك
كل يوم اوصل مكانك
وعيني ترصد جنب بابك
في عشم لو بس اشوفك
او حتي اتصادف بطيفك
كنت خايف من فراقك
وكان مفاجئ لي فراقك
ما قدرت اقيف اوادعك
قلبي ما بيقدر يوادعك
هو اصلا خائف من فراقك
وبرضو بتحمل عشانك
مهما كان يصعب فراقك
ما بمل انا في انتظارك
املي يتغير قرارك
تاني ترجع لي مكانك
الفي القليب مفتوح عشانك
ديمة حافظ لي ودادك
اصلو ما بيتغيير وحاتك
مهما طولتي في فراقك
لسة مستنيك وحاتك
بكرة ترجع تاني وافرح بي ملامحك
بكرة ارجع عشان اشوفك
وتنكسر لحظات فراقك
وتملا دنياي بي حنانك
يا فراشة كفاك وحاتك
13.02.2025
ليست هناك تعليقات:
إرسال تعليق