الحلم

  

يومي كاتب ليك رسالة

حروفا طالعة مني بي عجالة

ملهوف عليك يا ستنا

كيف تفوتي ياخ مننا

كيفن تغادري دربنا

الكُنا فيه إنتي وأنا

والوعد كان ما نتركا

حتي الظروف نتحمّلا

لكل صِعابا نحنا نسهّلا

وكل العوائق بنزلِّلا

نقعد نعيش مع بعضنا

آمالنا الكنا بنتأملا

جاك في منامك وثـبّـتـا

حتي في منامك جاكي وأكّدا

وسألنا الله لينا يحقـقا

يا ربي دة بس كان همّنا

ويجمعنا دائما في الهنا

نعمّر سوا إنتي وأنا

ونعيش أجمل سنوات حُـبّـنا

ما يفرقنا شئ حتي في لحدنا

ونكون سوا إنتي وأنا

أولادي وأولادك جنبنا

ورسائلي لو كان وصلتك أتمني ما تتجاهلا

شاقت كتير شان توصلك

ما كان هو عارف سكتك

ما لاقي زولآ ليكي يوصّلا

كل الدروب صبّحت خلا

وإنتي في مكان ما بنعرفا

سائلين عليك كل الفي المدائن والخلا

لي مكانك ما لقينا زول قال بـيعرفا

إلا الله في يوم يجمعنا سوا

نرجع تاني نعيش مع بعضنا 

وأملي في الكريم الـ للدعاء ما بيتجاهلا

أدعوهُ يومي من تاني يلـمّـنا

ويحفظك لينا يا حـقّـنا

23.02.2025